लेझिम चाले जोरात
दिवस सुगीचे सुरु जाहले,
दिवस सुगीचे सुरु जाहले,
ओला चारा बैल माजले,
शेतकरी मन प्रसन्न जाहले...,
शेतकरी मन प्रसन्न जाहले...,
छनझुन खळझण झिनखळ छिनझुन,
लेझिम चाले जोरात !
चौघांनी वर पाय ऊचलले,
लेझिम चाले जोरात !
चौघांनी वर पाय ऊचलले,
सिंहासनिं त्या ऊभे राहिले,
शाहिर दोघे ते डफ वाले...,
शाहिर दोघे ते डफ वाले...,
ट्पढुम, ढुमढुम, डफ तो बोले..
लेझिम चाले जोरात !
दिवटी फुरफुर करू लागली,
लेझिम चाले जोरात !
दिवटी फुरफुर करू लागली,
पटक्यांची वर टोंके डूलली,
रांग खेळण्या सज्ज जाहली,
रांग खेळण्या सज्ज जाहली,
छनखळ झुणझिन, ढुमढुम पटढुम् ,
लेझिम चाले जोरात !
भरभर डफ तो बोले घुमुनीं,
लेझिम चाले जोरात !
भरभर डफ तो बोले घुमुनीं,
लेझिम चाले मंड्ल धरुनी,
बाजुस-मागें, पुढे वाकुनी...,
बाजुस-मागें, पुढे वाकुनी...,
झणछीन खळखळ, झिनखळ झिनखळ,
लेझिम चाले जोरात !
डफ तो बोले-लेझिम चाले,
लेझिम चाले जोरात !
डफ तो बोले-लेझिम चाले,
वेळेचे त्या भान न ऊरले,
नाद भराने धुंध नाचले...,
नाद भराने धुंध नाचले...,
छनझुन खळझण झिनखळ छिनझुन,
लेझिम गुंगे नादात् !
सिंहासन ते डुलु लागले,
लेझिम गुंगे नादात् !
सिंहासन ते डुलु लागले,
शाहिर वरती नाचू लागले,
गरगर फिरले लेझिमवाले...,
गरगर फिरले लेझिमवाले...,
छनछन खळखळ, झणझण छनछन,
लेझिम गुंगे नादात् !
दिनभर शेती श्रमूनी खपले,
लेझिम गुंगे नादात् !
दिनभर शेती श्रमूनी खपले,
रात्री साठी लेझीम चाले,
गवई न लगे, सतारवाले...,
गवई न लगे, सतारवाले...,
छनखळ झुणझिन,रात्र संपली नादात्
लेझिम चाले जोरात् !
पहाट झाली - तारा थकल्या,
लेझिम चाले जोरात् !
पहाट झाली - तारा थकल्या,
डफवाला तो चंद्र ऊतरला,
परी न थकला लेझिम मेळां...,
परी न थकला लेझिम मेळां...,
छनखळ झुणझिन, लेझिम खाली...
चला जाऊया शेतात् !
चला जाऊया शेतात् !
चला जाऊया शेतात् !!
- श्री श्रीधर बाळकृष्ण रानडे
- श्री श्रीधर बाळकृष्ण रानडे
