सहज तुला गुपित एक सांगते दुपारी
डोळियांत आली गडे प्रीत माझी लाजरी
डोळियांत आली गडे प्रीत माझी लाजरी
बैसते ओटीवरी, नजर वळे अंगणी
अंगणांत बहरते रानजाई देखणी
जाई खाली उभा असे हासरा शिकारी
अंगणांत बहरते रानजाई देखणी
जाई खाली उभा असे हासरा शिकारी
सांजवेळी गोठ्यांतली गाय लागे हंबरू
सोडते ग धारेसाठी, ओढ घेई वासरू
गोठ्यामध्ये दिसे सखे, सावळा मुरारी
सोडते ग धारेसाठी, ओढ घेई वासरू
गोठ्यामध्ये दिसे सखे, सावळा मुरारी
पहाटेला ओठावरी गीत एक जागले
अंतरात कोणसे, हळुच बाई बोलले
ओढळले मन नेई माझिया सासरी
अंतरात कोणसे, हळुच बाई बोलले
ओढळले मन नेई माझिया सासरी
गीतकार : अशोकजी परांजपे,
कोणत्याही टिप्पण्या नाहीत:
टिप्पणी पोस्ट करा