पाऊस आला पाऊस आला
गारांचा वर्षाव
गुरे अडकली रानामध्ये
दयाघना तू धाव!
मेघांचे कोसळती पर्वत
दरी निनादे दूर
गाव चिमुकला वाहून जाईल
असा कशाला पूर?
इवल्याला पक्षांच्या डोळी
वृक्ष थबकले सारे
आणि मुळाला त्यांच्या उपटे
वेड घेतले वारे
थांब जरासा हृदयी माझ्या
ढगात लपल्या देवा
काठावरती जरा आणु दे
पुरात फसल्या नावा
या गावाच्या पारावरती
कुणी नसे रे वेडी
गढीत नाही भुजंग शापित
जो वंशाला तोडी
इथे कुणीतरी रचले होते
झिमझिम पाऊस गाणे
जाता येता टाकित होता
तो चिमण्यांना दाणे
ग्रेस
कोणत्याही टिप्पण्या नाहीत:
टिप्पणी पोस्ट करा