पाखरांची शाळा भरे पिंपळा वरती
चिमण्यांची पोरे भारी गोंगाट करती
उतरते उन जाते टाळुनी दुपार
पारावर जसा यांचा भरतो बाजार
बाराखड्या काय ग आई घोकती अंगणी
उजळणी म्हणती काय जमुनी रंगणी
तारेवर झोके घेती बसुनी रांगेत
भुरकन इथे तिथे उडती मौजेत
खेळकर किती नको कराया अभ्यास
परीक्षेत का न आई व्हायचे नापास
पावसाळ्यातही शाळा आमुची न गळे
गळकी ग शाळा यांची भिजती सगळे
रविवारी सणवारी आमुच्यासारखी
नाही ना सुट्टी भली मोडली खोडकी
यांच्याहून आम्ही आई शहाणे नव्हे का?
गप्प शाळेमध्ये कधी धरितो न हेका
होतो पास आम्ही कधी दिपोती बक्षीस
मौज काय सांगू मिळे सुट्टी हि शाळेस
Apratim Kavita
उत्तर द्याहटवाyes it is !!
उत्तर द्याहटवा