भन्नाट रानवारा ====सुधीर मोघे,

भन्नाट रानवारा
मस्तीत शीळ घाली
रानंच्या पाखरांची
रानात भेट झाली
येकाच रानामंदी
वाढलो येका ठायी
पुराण्या वळखीला
ज्वानीची नवलाई
मनीची खूणगाठ
लगीन गाठ झाली
रानाचा हिरवा शालू
आकाश नीळा शेला
हवेच्या कुपीमंदी
मातीचा वास ओला
बाशिंग डहाळीचं,
वेलींच्या मुंडावळी
पानांची गच्च जाळी
काळोख दाट झाला
काळोख गंधाळला
काळोख तेजाळला
झुलती काळोखात
गाण्याच्या दोन ओळी

गीतकार : सुधीर मोघे,