सखी मंद झाल्या तारका,
आता तरी येशील का ?
मधुरात्र मंथर देखणी,
आली तशी गेली सुनी
हा प्रहर अंतिम राहिला,
त्या अर्थ तू देशिल का ?
हृदयात आहे प्रीत अन्
ओठांत आहे गीत ही
ते प्रेमगाणे छेडणारा,
सूर तू होशिल का ?
जे जे हवे ते जीवनी,
ते सर्व आहे लाभले
तरी ही उरे काही उणे,
तू पूर्तता होशिल का ?
बोलावल्यावाचूनही
मृत्यू जरी आला इथे
थांबेल तो ही पळभरी,
पण सांग तू येशिल का ?
सुधीर मोघे
आता तरी येशील का ?
मधुरात्र मंथर देखणी,
आली तशी गेली सुनी
हा प्रहर अंतिम राहिला,
त्या अर्थ तू देशिल का ?
हृदयात आहे प्रीत अन्
ओठांत आहे गीत ही
ते प्रेमगाणे छेडणारा,
सूर तू होशिल का ?
जे जे हवे ते जीवनी,
ते सर्व आहे लाभले
तरी ही उरे काही उणे,
तू पूर्तता होशिल का ?
बोलावल्यावाचूनही
मृत्यू जरी आला इथे
थांबेल तो ही पळभरी,
पण सांग तू येशिल का ?
सुधीर मोघे
