बगळ्यांची माळ
फुले अजुनि अंबरात
भेट आपुली स्मरशी काय तू मनात
छेडिति पानात बीन थेंब पावसाचे
ओल्या रानात खुले उन अभ्रकाचे
मनकवडा घन घुमतो दूर डोंगरात
बगळ्यांची माळ फुले अजुनि अंबरात
त्या गाठी, त्या गोष्टी नारळिच्या खाली
पौर्णिमाच तव नयनी भर दिवसा झाली
रिमझिमते अमृत ते कुठुनि अंतरात
बगळ्यांची माळ फुले अजुनि अंबरात
हातांसह सोन्याची सांज गुंफताना,
बगळ्यांचे शुभ्र कळे मिळुनी मोजताना,
कमळापरि मिटति दिवस उमलुनी तळ्यात
बगळ्यांची माळ फुले अजुनि अंबरात
तू गेलिस तोडुनि ती माळ, सर्व धागे
फडफडणे पंखांचे शुभ्र उरे मागे
सलते ती तडफड का कधि तुझ्या उरात
बगळ्यांची माळ फुले अजुनि अंबरात
भेट आपुली स्मरशी काय तू मनात
छेडिति पानात बीन थेंब पावसाचे
ओल्या रानात खुले उन अभ्रकाचे
मनकवडा घन घुमतो दूर डोंगरात
बगळ्यांची माळ फुले अजुनि अंबरात
त्या गाठी, त्या गोष्टी नारळिच्या खाली
पौर्णिमाच तव नयनी भर दिवसा झाली
रिमझिमते अमृत ते कुठुनि अंतरात
बगळ्यांची माळ फुले अजुनि अंबरात
हातांसह सोन्याची सांज गुंफताना,
बगळ्यांचे शुभ्र कळे मिळुनी मोजताना,
कमळापरि मिटति दिवस उमलुनी तळ्यात
बगळ्यांची माळ फुले अजुनि अंबरात
तू गेलिस तोडुनि ती माळ, सर्व धागे
फडफडणे पंखांचे शुभ्र उरे मागे
सलते ती तडफड का कधि तुझ्या उरात
बगळ्यांची माळ फुले अजुनि अंबरात
कोणत्याही टिप्पण्या नाहीत:
टिप्पणी पोस्ट करा