मी कशाला आरशात पाहु ग ...ऋषि राज

मी कशाला आरशात पाहु ग
मी कशाला बंधनात राहु ग
मीच माझा रुपाची राणी ग
वारा भारी खट्याळ
असा वाहे झुळझुळ
उडवी बटा कशा
ग बाई ,आवरू तरी कशा
वैरी ,झोंबे असा अंगा
कशी साहू ग
मी कशाला आरशात पाहु ग
झाडवेली जोडीने
बघतात निरखून
माझ्याकडे कशा
ग बाई ,जीव हो वेडापिसा
वाटे ,जावे तसे निघुन
कशी जाऊ ग
मी कशाला आरशात पाहु ग
प्राजकताच्या छायेत
फुलांची ही बरसात
भिजले तयात मी
ग सुख हे ,अथांग कि
गाने ,उसळे देहात
कशी गऊ ग
मी कशाला आरशात पाहु ग
मी कशाला बंधनात राहु ग
मीच माझा रुपाची राणी ग


ऋषि राज

सजणा, का धरिला परदेस ----- गीतकार : शांता शेळके,

 
सजणा, का धरिला परदेस
श्रावण वैरी बरसे झिरमिर
चैन पडेना जीवा क्षणभर
जाऊ कोठे, राहू कैसी, 
घेऊ जोगिणवेष 

रंग न उरला गाली ओठी
भरती आसू काजळकाठी
शृंगाराचा साज उतरला, 
मुक्त विखुरले केश

गीतकार : शांता शेळके,

भन्नाट रानवारा ====सुधीर मोघे,

भन्नाट रानवारा
मस्तीत शीळ घाली
रानंच्या पाखरांची
रानात भेट झाली
येकाच रानामंदी
वाढलो येका ठायी
पुराण्या वळखीला
ज्वानीची नवलाई
मनीची खूणगाठ
लगीन गाठ झाली
रानाचा हिरवा शालू
आकाश नीळा शेला
हवेच्या कुपीमंदी
मातीचा वास ओला
बाशिंग डहाळीचं,
वेलींच्या मुंडावळी
पानांची गच्च जाळी
काळोख दाट झाला
काळोख गंधाळला
काळोख तेजाळला
झुलती काळोखात
गाण्याच्या दोन ओळी

गीतकार : सुधीर मोघे,

मन मनास उमगत नाही-------सुधीर मोघे

मन मनास उमगत नाही
आधार कसा शोधावा !
स्वप्नातिल पदर धुक्याचा
हातास कसा लागावा?

मन थेंबांचे आकाश
लाटांनी सावरलेले
मन नक्षत्रांचे रान
अवकाशी अवघडलेले
मन गरगरते आवर्त
मन रानभूल, मन चकवा
मन काळोखाची गुंफा
मन तेजाचे राऊळ
मन सैतानाचा हात
मन देवाचे पाऊल
दुबळ्या गळक्या झोळीत
हा सूर्य कसा झेलावा ?
चेहरा-मोहरा ह्याचा
कुणी कधी पाहिला नाही
धनि अस्तित्वाचा तरिही
ह्याच्याविण दुसरा नाही
ह्या अनोळखी नात्याचा
कुणी कसा भरवसा द्यावा ?

 सुधीर मोघे

लपविलास तू हिरवा चाफा,

लपविलास तू हिरवा चाफा
सुगंध त्याचा छपेल का ?
प्रीत लपवुनी लपेल का ?
जवळ मने पण दूर शरीरे
नयन लाजरे, चेहरे हसरे
लपविलेस तू जाणून सारे
रंग गालिचा छपेल का ?
क्षणात हसणे, क्षणात रुसणे
उन्हात पाउस, पुढे चांदणे
हे प्रणयाचे देणे-घेणे
घडल्यावाचुन चुकेल का ?
पुरे बहाणे गंभिर होणे
चोरा, तुझिया मनी चांदणे
चोरहि जाणे, चंद्रहि जाणे
केली चोरी छपेल का ?

मान वेळावुनी धुंद बोलू नको == मंगेश पाडगावकर

मान वेळावुनी धुंद बोलू नको
चालताना अशी वीज तोलू नको
ऐक माझे जरा, हट्ट नाही खरा
दृष्ट लागेल ग दृष्ट लागेल ग
आज वारा बने रेशमाचा झुला
ही खुशीची हवा साद घाली तुला
मोर सारे तुझे, हे पिसारे तुझे
रूप पाहून हे चंद्र भागेल ग
पाहणे हे तुझे चांदण्याची सुरी
हाय मी झेलली आज माझ्या उरी
लाट मोठी फुटे, शीड माझे कुठे ?
ही दिशा कोणती ? कोण सांगेल ग ?

   मंगेश पाडगावकर

लाजून हासणे अन् हासून

लाजून हासणे अन् हासून हे पहाणे
मी ओळखून आहे सारे तुझे बहाणे

डोळ्यांस पापण्यांचा
का सांग भार व्हावा?
मिटताच पापण्या अन् का
चंद्रही दिसावा?
हे प्रश्न जीवघेणे हरती
जिथे शहाणे' ........     मी ओळखून
हाती धनुष्य ज्याच्या
त्याला कसे कळावे?
हृदयात बाण ज्याच्या
त्यालाच दुःख ठावे!
तिरपा कटाक्ष भोळा,
आम्ही इथे दिवाणे........  मी ओळखून



जाता समोरुनी तू उगवे
टपोर तारा
देशातुनी फुलांच्या
आणी सुगंध वारा
रात्रीस चांदण्याचे
सुचते सुरेल गाणे--------  मी ओळखून