नदी मिळता सागरा ....ग.दि.माडगूळकर

नदी मिळता सागरा ....

नदी सागरा मिळ्ता,पुन्हा येइना बाहेर
अशी शहाण्यांची म्हण, नाही नदीला माहेर

काय सांगू रे बाप्पानो,तुम्ही आंधळ्यांचे चेले
नदी माहेराशी जाते,म्हणुनची जग चाले

सारे जीवन नदीचे,घेतो पोटात सागर
तरी तिला आठवतो,जन्म दिलेला डोंगर

डोंगराच्या मायेसापायी, रुप वाफ़ेचे घेउन
नदी तरंगत जातेपंख वाऱ्याचे लावून

पुन्हा होउन लेकरु, नदी वाजवते वाळा
पान्हा फ़ुटतो डोंगरा,तेव्हा येतो पावसाळा.

ग.दि.माडगूळकर